كل اللي محتاج تعرفه عن خدمة وصفة في مصر
إيه هي خدمة وصفة؟
خدمة وصفة عبارة عن تطبيق إلكتروني على الموبايلات الذكية، بيربط بين شركائنا من مقدمي الخدمات والمستخدمين. ويُمكنك بكلّ بساطة اختيار نوع الخدمة إذا كانت خدمة توصيل أو خدمة ذاتية، وتختار بعدها من التصنيفات المتاحة من مقدمي الخدمات اللي عاوزها، وأخيراً تكتب أو تبعت طلباتك مِن خلال التطبيق الإلكتروني ده.
لا يُمكن مقارنة خدمة وصفة بالتطبيقات الإلكترونية الحالية، لأن حتلاقي فرق واضح بين خدمة وصفة ومفهوم تطبيقات الطلبات التقليدية! باختصار، بنوفّر لك خدمة “عندك كذا؟ وبكام؟ أو ألاقيه فين؟”، عن طريق استخدام تطبيق إلكتروني، هيساعدك ويوصّللك مقدمي الخدمات لحدّ عندك، مع عروض أسعارهم المختلفة لطلباتك، مع التحكّم في عمليةإختيار الأنسب بكل سهولة ويُسر.
حمّل التطبيق وابدأ وصف طلباتك وإبعتها
أوّل خُطوة لازم تعملها علشان تستخدم خدمة وصفة، هي إنك تحمّل التطبيق الإلكتروني على تليفونك المحمول سواء كان بيشتغل بنظام أندرويد أو آبل، بعدها سجّل اسمك ورقم تليفونك المحمول، وباقي البيانات الأخرى. بعدها حيتبعتلك كود من 4 أرقام وده مهم جدا علشان يكتمل التسجيل.
اختار مكانك
علشان الخدمة تكون مظبوطة، ويظهرلك التصنيفات المتاحة، اللي حتستخدمها علشان تبعت طلبك، ويترد عليك بعروض أسعار تختار مابينها، كل اللي عليك تعمله إنك تدخّل أو تختار مكان التوصيل (ده لو كنت مختار وضع التوصيل)، أو تدخّل أو تختار مكان الإنطلاق (ده لو كنت مختار وضع الخدمة الذاتية) في تطبيق وصفة الإلكتروني. وبصورة تلقائية، حيظْهر التطبيق التصنيفات المتاحة لأقرب مقدمي الخدمات ليك دلوقتي، وطبعًا يُمكنك تغيير المكان ده مِن خلال تحديد مكان أدق على الخريطة علشان التصنيفات والخدمة تكون أدق. ولو إنت مش عارف العنوان اللي عايز تحدده بالتحديد، هيساعدك التطبيق كمان عن طريق التعرّف على بعض الأسماء التجارية المعروفة وتقديم اقتراحات لأماكنهم.
اختار التصنيف اللي عاوزه
حَسب المكان اللي إنت عايش فيه في مصر، بنوفّر لك تصنيفات متنوّعة، على سبيل المثال وليس الحصر: فيه تصنيف صيدليات، وده تصنيف عندنا بنبعت طلبك ليهم، والصيدلية اللي عندها طلبك بتقبل الطلب، وبعدين تبعتلك عرض سعر، أو حتى تبعت بديل لطلبك. وفي بعض المُدُن، بتتوافر خدمة وصفة إكسبريس (WASPHA X)، وهي خدمة بنقدمها لمقدمي الخدمات اللي معندهومش خدمات توصيل حاليًّا وبتتم عن طريق العجلة، الموتوسيكل، العربية أو حتى مشي.
تسعيرة في عرض سعر
عَارف أفضل ميزة في خدمة وصفة إيه؟ إن تسعيرتها بتيجي لكلّ المستخدمين على شكل عرض سعر، من كل مقدم خدمة على حدى، وكمان بتعتبر عادلة ومُرضية وتنافسية بين مقدمي الخدمات، لأنك مش مجبر تاخد طلباتك من حد لأنك ما تعرفش غيره. لكن لما يكون قدامك إختيارات متنوعة لنفس المنتج أو بديل له وبأسعار تنافسية ومن أكتر من مقدم خدمة، ساعتها الإختيار يرجع ليك، وكمان إدينا فرصة لمقدمي خدمات تانيين يظهرو في الصورة.
التواصل مع مقدم الخدمة
لمّا بتوافق على أحد عروض الأسعار اللي إتقدمتلك، بيعرض التطبيق الإلكتروني وقت تقريبي للتوصيل (ده لو كنت في وضع التوصيل) للمكان اللي إنت حدّدته، وهيبلغك التطبيق كمان مع كل حركة بتم على طلبك. وتقدر تتواصل مع مقدم الخدمة، وشريك التوصيل (ده لو كنت في وضع التوصيل)، كتابياً (شات) أو هاتفياَ لحد ما طلبك يتنفذ.
اعرف مساعدك الشخصي (مقدم الخدمة، أو شريك التوصيل) كويس!
بتسمح خدمة وصفة للمستخدمين إنهم يقيّموا مقدمي الخدمات، شركاء التوصيل، وكمان يُمكن لمقدمي الخدمات أو شركاء التوصيل إنهم يقيّموا المستخدمين. وبكلّ سهولة، تقدر تلقي نظرة على الملفّ الشخصي لمقدم الخدمة أو شريك التوصيل، والتقييم اللي واخده، وبياناته. وكل ده وأكتر هتعرفه مِن خلال التطبيق الإلكتروني!
طرق الدفع
لمّا تقبل عرض سعر عاجبك حتختار طريقة من طرق الدفع المتاحة في عرض السعر، مثلا عن طريق بطاقة الائتمان بتاعتك (طبعًا ده لو عندك بطاقة ائتمان وتحبّ إنك تدفع إلكترونيًّا بيها)، لكن في مصر مش ضروري يكون عندك بطاقة ائتمان علشان تستمتع بخدمة وصفة. ويمكنك الدفع كاش عند التوصيل (ده لو كنت في وضع التوصيل)، أو عند مقدم الخدمة (ده لو كنت مختار وضع الخدمة الذاتية). عن طريق بطاقة الائتمان بتاعتك بس شريك التوصيل الخاص بمقدم الخدمة يجيلك ومعاه جهاز الدفع الإلكتروني، أو لما تروح بنفسك عند مقدم الخدمة.
مِن فضلك.. قيّم خدمة وصفة!
بمجرّد ما تنتهي عملية تسليم أو توصيل الطلب، هيطلب مِنك التطبيق الإلكتروني تقييم الخدمة مِن خلال نظام يتراوح بين نجمة واحدة وخمس نجوم. وطبعًا، هيطلب التطبيق كمان من مقدم الخدمة أو شريك التوصيل تقييم المستخدم، والغَرض من النظام ده إننا نعرف التعليقات وردود الأفعال المختلفة لنشر روح الاحترام والمحاسبة عند المستخدمين، مقدمي الخدمات وشركاء التوصيل.
باختصار، بنوفّر لك خدمة "عندك كذا؟ وبكام أو ألاقيه فين؟" عن طريق استخدام تطبيق إلكتروني هيساعدك ويوصّللك مقدمي الخدمات لحدّ عندك مع عروض أسعار مختلفة لطلباتك
