اصحاب السلاسل او مقدمي الخدمات الي ليهم اكتر من فرع في منطقة واحدة او عدة مناطق اختيارهم لوصفة هو الاختيار الانسب لاعمالهم التجارية .
اي مستخدم بيحب يتعامل مع براند معين، وبيجيب طلباته منه على طول مش بالسهولة يغيره ويروح لغيره، طيب لو راح لفرع معين وملقاش طلبه هناك بس ممكن يلاقيه في الفرع التاني او التالت ساعتها ممكن يروح للفروع دي يسال على طلبه هناك.
كل الافتراضات دي وعامل الوقت والمجهود مش في الحسبان بس فعليا العميل ممكن يضيع وقت ومجهود علشان يلاقي طلبه في المحل او سلسلة فروع المحلات الي بيتعامل معاها.
احنا في وصفة عملنا ميزة يقدر يستفاد منها العميل ومقدم الخدمة، العميل يقدر يبعت طلبه لمقدم خدمة هو متعود يتعامل معاه، ولو الفرع الي اختاره العميل لاي سبب مقدرش يتعامل مع الطلب وصفة ساعتها حتبعت الطلب لاقرب تاني فرع من سلسة فروع المحل ده، وده في حالة ان مقدم الخدمة مسجل عندنا انه له كذا فرع وكمان ان الفرع الي بعده العميل واقع في مدى توصيله للطلبات او العميل والفرع موجودين في منطقة احد شركاء التوصيل المستقلين التابعين لوصفة وطبعا ده في حالة ان العميل مختار ان طلباته يتم توصيلها لمكانه، انما لو العميل مختار انه حيجيب طلباته بنفسه يبقى تاني او تالت فرع وهكذا حيتبعتلهم الطلب في حالة انهم موجودين في نفس محافظة العميل.
يبقى هنا وصفة قدرت انها تجيب طلب العميل من نفس براند سلسة المحلات دي بدون ماضيع وقتك ومجهودك، وكمان مضيعتش الفرصة على مقدم الخدمة انه يخسر طلب لعميل متعود انه يطلب دايما من سلسلة المحلات دي.
يبقى انت كعميل ماتنساش تختار البراند الي متعود تتعامل معاه، وانت كمقدم خدمة ماتنساش تسجل كل فروعك وانت بتشترك في وصفة لمقدمي الخدمات.